Plantun de Prouvènço

Pèr coumpara dos planto d'encò nostre

Glyceria notata & Barbilophozia lycopodioides

Glyceria notata

Poaceae Graminaceae

Nom en français : Glycérie à feuilles pliées.

Descripcioun :
Aquéu grand gramenun trachis en ribo d'aigo. Porto de fueio larjo, un pau plegado. Fai de lònguis enflourejado en paumo, li nous d'en bas an mai de dos ramo verticilado. Lis espigau fan de 10 à 25 mm e lis antèro, jauno, de 0,7 à 1,5 mm .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 100 cm
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Glyceria
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 10 à 25 mm
Flourido : Printèms - Estiéu

Sòu : Ca (Si)
Autour basso e auto : 0 à 1700 m
Aparado : Noun
Mai à avoust

Liò : Ribiero - Roubino - Ribo d'aigo - Mueio
Estànci : Termoumediterran à Mountagnard
Couroulougi : Cousmoupoulito
Ref. sc. : Glyceria notata Chevall., 1827 (= Glyceria plicata (Fries) Fries )

Barbiho-de-la-grando

Barbilophozia lycopodioides

Anastrophyllaceae

Nom en français : Grande barbille.

Descripcioun :
Aquesto grando barbiho crespudo trachis sus li roucas séusous de mountagno dins li relarg fres. Fai ges de gemo, mai i'a d'amfigastre. Se recounèis à si fueio subsimetrico di tres à quatre lobe sus de ramo de tipe Frullania e acabado pèr de benc (fotò). Se vèi peréu de ciho à la baso de la fueio (fotò). Li celulo caupon de 3 à 10 ouleoucors. La planto èi marcado sus listo roujo categourìo LC valènt à dire soucit minour.

Usanço :
Es poussible de s'engana emé d'àutri epatico dóu meme gènre (coume B. hatcheri) o emé : Trilophozia quinquedentata, Saccobasis polita...